Come a’ ye tramps and hawker lads, ye gaitherers o’ blaw,
ye tramp the country roon’ and roon’, come listen ane and a’
I’ll tell tae ye a rovin’ tale o’ sichts that I ha’e seen
far up intae the snawy North and roon’ by Gretna Green

I’ve seen the high Ben Nevis a towerin’ tae the moon
I’ve been by Crieff and Callendar and roon’ by bonny Doune
I’ve seen the Nethy’s silvery tide and places ill tae ken
and it’s up intae the snawy North lies Urquart’s bonny glen

Aft times I’ve lauched intae mysel’ while trudgin’ doon the road
wi’ a bag o’ blaw upon my back, my face as broon’s a toad
wi’ lumps o’ cake and tatty scones, and cheese and braxy ham
nae thinkin’ whaur I’m comin’ frae, less whaur I’m goin’ tae gyang

I’m happy in the summertime beneath the bricht blue sky
nae thinkin’ in the mornin’ at nicht whaur I’m tae lie
in bothy or barn or onywhaur or oot amang the hay
and if the weether does permit, I’m happy a’ the day

Oh I think I’ll gang tae Paddie’s land, I’m makin’ up my mind,
for Scotland’s greatly altered noo, I canna raise the wind,
oh I will trust in providence, and if providence proves true,
then I will sing o’ Erin’s isle, when I come back tae you

SONG LIBRARY

Sample Tracks

Play from a selection of tracks from Tradition Bearer CDs.
These are not highly compressed to give a good idea of the real sound.

Competition

Subscriptions

Feedback

Buy the CDs online

This site belongs to The Tradition Bearers Ltd
All material is copywrite (c) The Tradition Bearers, or the individual writers or photographers where credited. We welcome feedback, constructive help, offers of material for inclusion on the site.