|
Ye’ll a’
ha’e heard o’ Tattie Jock, likewise o’ Mutton Peggie,
they had a fairm in the East o’ Fife, and the name o’
it was Craigie
Chorus:
Hah riddle aye
roo rum di do, hah riddle aye roo rum day
There was ten
pair upon that place, likewise ten able men;
it’s five they gaed for tae kinnle the fire, an’ the other
five oot tae scran
Three month
we served wi’ Tattie Jock, an’ weel we did agree,
till we fund oot that the tattie shed could be opened wi’ the
bothy key
We a’ went
intae the tattie shed, oor bags were hardly full,
when Tattie Jock in ahint the door cried "aye ma lads bide
still!"
Oh, the first
he got was Willie Marr, the next was Sandy Doo,
there was Jimmy Grey an’ Wull Moncur, an’ Jimmy Pethrie
flew
They sent for
ten big polismen, but nine there only came,
it dinged them for tae lift’s that nicht, us bein’ ten
able men
The hinmaist
lad was the wisest ane, the best lad o’ us a’,
he jined a man-o-war ship at Leith, so he didna ha’e tae stand
the law
When we were
getting’ oor sentences, we a’ stood roon’ an’
roon’,
but when we heard o’ the fourteen years, the tears come tricklin;
doon’
When Tattie
Jock he heard o’ this, he cried an’ grat richt sore,
a thousand guineas he would pay, if that wad clear oor score
A bag o’
gowd he did produce, tae pey it there and then,
but the lawyer only said tae him that money widna clear his men
Noo when they
mairched us up through Perth, we heard the newsboy say,
it’s hard tae see sic able men ta’en aff tae Botany Bay
When we arrive
in Botany Bay, some letters we will send,
tae tell oor freends the hardships we endure in a foreign land
|
