|
Come a’
ye jolly plooboy lads that work amangst the grund
and listen tae ma story weel, I’ll no’ detain ye long.
I’m nae as young as I used tae be, some say I’ve had ma
fling,
but I feel jist like a five year auld when I begin tae sing, singing
Chorus:
Liltie falooralido
toora loora lay
I’ll ca’ yer horse an’ I’ll muck yer nowt, I’ll
big ye a rick o’ strae
I’m as happy as a lark frae morn tae dark, singing a’
the day o
liltie falooralido toora loora lay
At Dunfermline
feein’ mercat listen tae whit I say
I fell in wi’ a lad ca’d Jakie Broon an’ he said
hoo dae ye dae?
O ha’e ye got yer shillin’ yet, aye ha’e ye got yer
fee?
I says noo Jakie Broon says I – come oan an’ I’ll
let ye see, singing
So we baith
gaed up tae DCI’s an’ then the fun began
we ordered steak an’ kidney pie, an’ lots o’ strawberry
jam
an’ cam the time tae pey the fee, aye time tae pey the score
we did a polka roon’ the flair, an’ syne richt oot the
door, singing
So cam a’
ye jolly plooboy lads that work amangst the grund
an’ dinna spend yer fee on ale, or cakes or Jakie Broon
but walk richt past aul’ DCI’s wi’ its cakes an’
its fancy meats
an’ spend yer fee on woollen hose, an’ guid shune fir
yer feet, singing
|
