|
The king sits
in Dunfermline toon, drinkin' the blood red wine,
sayin' whaur can I find a skeely skipper, tae sail this ship o'
mine.
It's up then
spak an eldery knicht sat by the King's richt knee,
O, Sir Patrick Spens is the skeeliest skipper, that sailed upon
the sea.
The King he
wrote a braid letter and sealed it wi' his haund
and sent it tae Sir Patrick Spens, a walkin' on the strand.
Tae Norrawa,
tae Norrawa, tae Norrawa ower the faem,
the King's daughter frae Norrawa, it's ye maun bring her hame.
Noo the firsten
word Sir Patrick read, a lood lood lauch lauched he,
but the neisten word that Sir Patrick read, the saut tears blind
his e'e.
Oh wha has done
this deid he said, this deadly deed tae me,
tae send me oot at sic a time tae sail upon the sea?
They hadna been
in Norrawa a week but scarcely three,
when the highest lords in the King's ain court did turn richt roond
tae say.
O these Scotsmen
they do drink our wine and our gold they spend quite free tae Noorawa
the sailed their ship, wi ne'er a penny fee.
Ye lee'ers aloud
Sir Patrick cried, ye lee'ers aloud cried he
there's twenty thousand in silver cried he, in the dowry I brocht
wi me.
I'll sail this
nicht this very nicht, I'll sail richt ower the faem,
I'll mak my way tae fair Scotland, and I'll bring young Margaret
hame.
Busk, o busk
my mirry men, oor ship maun sail at dawn,
O say, nae say my captain dear, I fear a deadly storm.
For I saw the
new moon late yestreen, wi' the auld moon in her airms
and I fear, I fear my captain dear, I fear we'll come tae hairm.
They sailed
awa frae Norrawa, they sailed richt ower the faem,
for they were bound for Dunfermline town, all tae bring young Margaret
hame.
O lang, lang
may their ladies sit wi' their gowd kames in their hands,
e'er they see the great Sir Patrick Spens come sailin' tae the land.
Half ower, half
ower, tae Aberdour, and fifty fathoms deep,
there lies the great Sir Patrick Spens wi' the Scots lairds at his
feet.
|
