|
O Udny bonnie Udny, ye shine far
ye stand
And the mair I think upon ye, the
mair my heart warms
O Gin I wis in Udny, I wid think
mysel at hame
For it’s there I’ve got a sweetheart,
but here, I’ve got nane
The lads aboot Udny, they’re a rovin
blades
An they tak a their pleasure in coortin
young maids
Aye they kiss them an clap them,
an they spend their money free
Aye those memories o Udny, they’re
a dear tae me
It’s nae the lang journey that I
hae tae go
It’s nae jist the distance that vexes
me so
It’s the leavin o Udny, and my sweetheart
behind
It causes me anguish, aye it preys
on my mind
But it’s time tae drink up lads,
aye it’s time tae gang hame
For tae bide here ony langer, we’d
get a bad name
Aye we’d get a bad name lads, gin
we get ower fu
An a the lang lang walks o Udny,
are a tae gang through
Sae ye’ll pu the reed rose and I’ll
pu the thyme
An ye’ll drink tae your love and
I’ll drink tae mine
And my mind willna alter, nor change
to and fro
And I’ll aye be kind hearted tae
the lassie I loe
Sae Udny, bonnie Udny, ye shine far
ye stand
An the mair I think upon ye the mair
my heart yearns
Though I’m east or I’m west, fariver
I may be
O a the lands in Scotland, bonnie
Udny’s for me
|
