|
O hud yer tongue dear Sally, ere
I gang tae the toon
For I’ll buy tae ye a jauntin car,
an a braw white muslin goon
I will buy tae ye a jauntin car,
an a braw white muslin goon
An likewise a little wee lapdog tae
follow yer jauntin car
O the deil gang wi yer lapdog, an
yer jauntin car an’a
For I’d raither hae a young man wi
ne’er a penny ava
Aye I’d raither hae a young man wi
ne’er a penny ava
Afore that I’d hae an auld man tae
row me fae the wa
For yer pipes they are niver in order
an yer chanter it’s niver in tune
An I wisht the deevil hid ye an a
young man in yer room
Aye I wisht the deevil hid ye an
a young man in yer room
For I’d raither hae a young man,
wi ne’er a penny ava
O but noo the auld man’s deid an
gone, an he’s left her ae gie fee
Aye he’s left tae her ten thoosand
pounds an a o his land sae free
Aye he’s left tae her ten thoosand
pounds an a o his land sae free
An likewise the little wee lapdog
that followed her jauntin car
Aye an noo she has gotten her young
man wi ne’er a penny ava
Aye it’s noo she has gotten her young
man, tae row her fae the wa
He has broke her china cups an saucers,
aye he’s layen an he’s broke them a
An he’s killed the little we lapdog,
that followed her jauntin car
|
