|
O ken ye my
love Johnnie, he's doon on yonder lea,
An' he's lookin'an' he's joukin and he's aye watchin me,
He's pu'in' an he's teasin' but his meanin's no' sae bad,
Gin it's ever gaun tae be, then tell me noo Johnnie lad
Tell me
noo, my Johnnie laddie, tell me noo my Johnnie lad
Gin it's
ever gaun tae be, then tell me noo Johnnie lad
When the sheep
are in the fauld and the kye are in the byre,
And other lads and lassies sitting round a roaring fire;
There's me a glaikit lassie, just like that I was mad
Thro' the nooks and barley stooks, jinkin' you Johnnie lad.
Jinkin'
you my Johnnie laddie, jinkin' you my Johnnie lad,
Thro' the nooks and barley stooks, jinkin' you Johnnie lad.
O Johnnie's
blythe and bonnie he's the pride o' a' yon lea,
And I loe him best o' ony, tho, he's aye teasin me.
Though he teases me and he squeeezes me and ticles me like mad,
Nane comes near me than can cheer me like my ain Johnnie lad
Aye, it's you my Johnnie laddie, aye it's you my Johnnie lad;
Nane can tease me or can please me, like my ain Johnnie lad
O Johnnie's
no' a gentleman, or yet is he a laird,
But I would follow Johnnie lad although he was a caird.
O Johnnie is a bonnie lad, he is a lad o' mine,
I've never had a better yin, and I've had twentynine.
An wi' you my Johnnie laddie, an wi you my Johnnie lad,
I'll dance the buckles aff my shoon wi' you Johnnie lad
|
