|
"I've travelled
east and I've travelled west,
And I
hae been tae Kirkcaldy;
But the bonniest lass that e'er I spied,
She was followin' her collier laddie.
"O whaur live
ye, my bonnie lass?
Come,
tell me what they ca' ye?"
"Bonnie Jean Gordon is my name
And I'm followin' ma collier laddie."
"O see ye no'
yon hills and dales
The sun shines on sae brawlie?
They a' are mine and they shall be thine
Gin ye leave your collier laddie."
"And ye shall
dress in gay attire,
Weel buskit
up sae brawly
And ane to wait on every hand,
Gin ye leave your collier laddie."
Though ye had
a' the sun shines on,
And the
earth it hides sae lowly;
I would turn my back on you and it a'
And embrace my collier laddie."
Then he has
tae her faither gaen
Tae her faither gaen sae brawly;
Says, "Will ye gie tae me yer bonnie lass
That's followin' a collier laddie?"
"I'll gie her
gowd and I'll gie her gear
And I'll mak her a lady
I'll mak' her wan o' higher degree
Than tae follow a collier laddie."
Then he has
tae his dochter gaen,
Tae his dochter he has gaen sae brawly
Said "Ye'll gang wi' this gentleman
And forsake yer collier laddie
O I winnae hae
his gowd and I winnae hae his gear
I winnae be his lady
For I've got gowd and gear enough
And I aye hae my collier laddie
Her faither
then baith vow'd and sware,
"Though he be black he's bonnie;
She's mair delight in him, I fear,
Than wi' you and a' your money."
"Love for love
is a bargain for me
Though the collier's hoose should haud me;
And I'll mak my bed in the collier's neuk
And lie doon wi' my collier laddie."
|
