|
Bonnie Peggie
Whaur hae ye been Peggie, whaur hae ye been?
In the gairden 'mang the gillyfloers, 'tween the oors o'twelve and
ain.
Ye waurnae yer
lane Peggy, no there yer lane,
Yer father saw ye in Jimmy's airms, 'tween the oors o' twelve and
ain.
What tho' we
were seen mither, tho' we were seen,
For I would lie in Jimmy's airms, tho' faithers grave was growing
green.
Yer Jimmy's
a rogue Peggy, Jimmy's a loon,
For the trysting o' our ae dochter, and she sae very young.
Jimmy's no tae
blame mither, the blame lies on me,
For I would lie in Jimmy's airms tho'a' the world should dee.
She's gaun tae
her chamber and Jimmy was there,
I'm blythe tae see ye Jimmy love, tho' we maun meet nae mair.
We'll tak' a
pairting glass laddie, pour oot the wine,
And since we maun meet naer mair my love, I'll drink your health
and mine.
Tak' me in yer airms Jimmy, here's kisses five,
And while the sun hings in the lift, I'll drink weel may ye thrive.
Come to my airms
Peggy, close tae my heart,
And whilst the sun hings in the lift, I'll swear we'll never pairt.
Your faither
keeps a crowing cock divides nicht frae day,
And in the middle watch o' the nicht in the green wood ye'll meet
me.
When mass was
sung and bells were rung, and a' were bound tae bed,
She's kilted up her gay clothing, met Jimmy in the wood.
'Twas early
in the morning the clock chapped twa,
Her faither rose up in his bed, cried, "Peggy! She's awa'".
They've mounted
their horses and fast they did run,
But lang ere they cam tae the tap o' the hill, the lad and lass
were yin.
|
